【信用卡陷阱】信用卡5大伏位： 第2點個個都中招 | MinPay/回贈/迎新禮遇/隱藏費用/年費 | 新手必睇信用卡防中伏攻略
「迎新獎賞超抵啊！」、「簽賬賺盡Cash Dollar！」係咪成日見到呢啲信用卡宣傳好心動？等陣先！喺你瘋狂碌卡之前，有啲伏位真係唔講你唔知，分分鐘令你「慳唔到反而使多咗」。無論係信用卡新手定係資深卡奴，快啲睇清以下5大中伏位，學識點樣見招拆招，做個精明消費者！
▶第1伏：還Min Pay = 跌落「大耳窿」陷阱？
好多人手頭緊嘅時候，都會選擇只還「最低還款額」（Min Pay），以為可以抖一抖，但呢個絕對係最大嘅信用卡伏位嚟㗎！
一旦你還Min Pay，銀行就會開始用超高嘅Annualised Percentage Rate (APR) 同你計循環利息，年利率分分鐘超過30%，重要係「利疊利」逐日計㗎！
📝 計條數俾你睇：
👉 了解更多：香港金融管理局的只償還「最低還款額」的利息成本指引
📌 防中伏攻略：
➊ 千祈唔好習慣性還Min Pay！務必每個月找清卡數，避免俾銀行收利息。
➋ 如果發現自己成日要靠 Min Pay 先還到錢，真係要認真睇睇自己嘅收支，可能已經透支過大。
▶第2伏：Cash Dollar、睇得唔用得？
講到呢一伏，真係10個有9個都中過招！以為簽賬賺返嚟嘅獎賞可以隨便用？咁你就太天真啦，背後其實超多限制㗎！
1️⃣ 兌換門檻高+到期日：好多信用卡嘅Cash Dollar或者飛行裏數，都要儲到某個數量先用得。例如Cash Dollar可能要儲滿HK$200先可以開始使，又或者裏數有到期日，過咗期就直接報銷，白白浪費心機！
2️⃣ 指定商戶先用到：有些Cash Dollar只可以喺指定商舖先用，靈活性低！
3️⃣ 獎賞貶值：航空公司不時會調整裏數兌換標準（即係「貶值」），變相你之前儲落嘅裏數，可能換到嘅機票價值越來越低，真係激氣！
📌 防中伏攻略：
➊ 申請信用卡之前，千祈一定要睇清楚獎賞計劃嘅條款細則。
➋ 揀返最適合自己消費習慣嘅回贈計劃。例如你成日去惠康/百佳買嘢，先至考慮揀超市Cash Dollar卡。
▶第3伏：迎新禮品嘅魔鬼細節，條件多到數唔清？
迎新禮品係吸引新手信用卡用戶嘅最大賣點，但係條件一點都唔簡單，背後真係超多細節要註意！
💰 簽賬要求：
通常要你喺頭1至3個月內簽滿指定金額（例如HK$5,000至HK$10,000），重要係「淨簽賬額」！即係話如果退貨或者網上購物退款，就會扣減返，搞到達唔到標㗎！
🔖 申請渠道：
有啲優惠只限網上申請先有，經街邊推銷員申請可能乜都冇！
📱 額外登記：
好多人都唔知，有啲禮品批核之後，仲要你自己上網做多步登記先拎到！唔少人就係漏咗呢步，冇咗份禮物！
📌 防中伏攻略：
❶ 申請前用手機影低優惠條款，記低所有要求。
❷ 完成簽賬後，立即打去銀行確認自己係咪符合資格。
❸ 一定要睇清楚使唔使做額外登記，唔好怕麻煩！
▶第4伏：海外簽賬隱藏2%手續費，開心旅行變「貴價消費」！
去旅行「碌卡」購物真係好方便，但好多人都唔記得計埋筆隱藏費用——海外交易手續費（通常係簽賬金額嘅1.95% + HK$15）。
🔖 舉個例：
喺日本用信用卡買咗JPY 50,000嘢，除咗匯率差價，重要俾多約HK$100手續費。成趟旅程計落，呢筆錢絕對唔嘢少！
📌 防中伏攻略：
❶ 如果你經常去旅行或者成日在外國網站購物，最好申請一張免海外簽賬手續費嘅信用卡。
❷ 旅行出發之前，對比下邊張卡最著數，慳得就慳啦！
▶第5伏：「首年免年費」之後點算？ 唔理嘅話下年自動扣你過千蚊！
好多人都知信用卡「首年免年費」，但第二年開始呢？一個唔小心，就會被銀行自動扣數百甚至上千元年費，真係防不勝防！
💳 自動扣錢：
銀行通常會自動從你信用卡戶口扣年費，如果你冇留意，可能仲會因為冇找呢筆「卡數」而被收利息，更慘係會影響信貸評分！
📌 防中伏攻略：
❶ 收到月結單通知要收年費時，立即主動致電銀行要求豁免！
❷ 如果銀行唔肯豁免，可以在扣費前考慮取消張卡
想知多啲信用卡使用知識，可以睇下香港金管局【 智醒消費者-信用卡】。
信用卡係好好用嘅理財工具，但一定要識得點用。避開「還Min Pay」陷阱、睇清獎賞條款、達成迎新要求、揀張免外幣手續費嘅卡，同埋主動處理年費，就可以避開所有信用卡伏位，真正享受「碌卡」著數，做個最醒嘅新手信用卡用戶！
▶借錢都要識得借！貸一信貸 IC CREDIT 幫您慳得更多！
睇完上面啲信用卡伏位係咪醒哂水？其實借錢都一樣㗎！利息有平有貴，搵唔對財務公司分分鐘中伏過碌爆卡！與其周圍格價睇到頭都大，不如直接搵 貸一信貸 IC CREDIT 幫您手啦！我哋專幫精明的香港人慳錢，無論係清卡數、週轉定係大計需要，都幫您搵到最著數、最貼地的貸款方案！即刻網上聯絡👇
